抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，過去1小時內《彭博》搜尋量最多港股，依次為騰訊控股、瑞聲科技、紫金礦業、聯想集團及創科實業。
騰訊連續3日上榜，旗下俗稱「龍蝦」嘅QClaw宣布，因業務發展調整，將於今年12月24日停運，早前，QClaw因具備遠程整理文件及執行複雜任務，引發用戶私隠安全隱憂，但係咪需要咁快就叫停？
資深分析師曾永堅指，成個人工智能(AI)下游及應用層發展中，除咗技術高速發展，市場亦日益關注應用風險及風控方面，相信唔止騰訊，海外同業都面對相同挑戰，騰訊今次迅速下架產品，反而係釋出正面訊號，反映管理層喺追求技術發展與風險管理之間有取得平衡。
Jaseper又話，騰訊正搵緊一個最適合嘅發展點，核心價值在於其生態圈擁有龐大及高黏度嘅用戶群，有助日後推動AI應用場景及增值服務，不過，現時AI對騰訊嘅實質收入貢獻及變現能力仍未清晰，短期內難以單憑AI作強勁催化劑，預期股價會繼續喺420元至460元上落。
