抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，過去1小時內《彭博》用戶搜尋量最多港股，依次為聯想集團、智譜、海底撈、蒙牛乳業及MiniMax。
聯想去年多賺38%至19.12億美元，收入就按年增長20%至逾830億美元，創新高，人工智能(AI)相關收入按年大升逾1倍，呢份成績表交到功課，市場之前擔心硬件成本會影響公司業績，但聯想毛利率仍Keep到，喺咪靠AI需求大增加到價，成功將成本轉嫁畀消費者？聯想放榜後，股價今日(22日)一度勁升18%，創新高。
大華繼顯執行董事梁偉源指，聯想業績最大亮點喺AI，設備、服務、伺服器業務都受惠於AI需求增長，市場見到去年第4季AI相關收入，佔總收入嘅佔比已升至38%，認為集團未來有機會獲重估，所以刺激股價今日愈升愈有。
Steven又話，早前記憶體價格上升，市場擔心聯想成本壓力增加，一度令股價受壓，但睇返第4季業績似乎冇乜影響，原因係集團期內仍用嚟手上嘅記憶體存貨，所以仍未反映價格上升嘅影響，而記憶體價格預期會持續向上，所以呢方面嘅成本，仍有機會影響聯想未來業績表現。
