抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶搜尋量最多港股，依次為安踏體育、聯想集團、ASMPT、比亞迪股份及紫金礦業。
安踏公布首季營運數據，表現明顯有改善，核心安踏品牌零售金額由跌轉升，錄得高單位數增長，FILA品牌增長10%至20%，其他品牌更大升40%至50%，雖然獲大行唱好，指安踏品牌表現超出全年指引，但今次嘅銷售表現係咪未反映哂美伊戰事嘅影響？股價仲有幾多水位？
方德證券高級分析師莫灝楠指，投資者唔需要太恐慌，油價上升的確會直接影響成本，因為大部分纖維、布料都係石油副產品，油價上升已導致申洲國際成本增加，安踏亦唔例外，但呢類公司毛利率一向較高，介乎50%至60%，加上安踏首季數據好過預期，而旗下Amer Sports等子品牌增長強勁，係體育用品股中表現最硬淨。
Casper又話，安踏股價短線可以睇90元水平，但要破頂難度就較高，下方就喺75元水平封底，短期再下試低位機會唔大，整體而言，公司業績穩健，估值亦合理，作中長線持有問題唔大。
