為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】金融管理局表示，CargoX項目短期目標是加快融資審批進度，未來亦會視乎本港跟貿易伙伴的貿易規模，探索與中東或地區貿易數據互聯互通。
金管局希望透過CargoX項目，逐步整合商務及經濟發展局、運輸及物流局的貨運和貿易數據，當有更多數據提供方加入，可以再進一步加快融資審批進度。
金管局助理總裁(金融基建)周文正說:「最短期嘅KPI一定係是接駁到頭先講嗰幾個平台，因為呢個係重中之重，依家我哋希望數據源較多嘅時候，我哋可以combine，即係用幾個數據去做一個模型，令到融資審批過程再更加快，呢個就係我哋嚟緊幾年嘅目標。」
此外，局方亦會研究對接不同地區的貨運物流數據，推動跟貿易伙伴的貿易無紙化，目標是2030年，將本港發展成全球公認的數碼貿易融資樞紐。
不過，周文正坦言，在基建接駁上面對一定挑戰，希望先由中國內地及東盟入手。
周文正說:「如果我哋喺香港自己做數據基建，可控性比較高，但如果去到一個海外嘅情況，佢對我哋嘅認知度又未必咁高，另一個問題我哋都發現到，佢未必有一個單一數據基建，可以接入大部分，無論銀行或數據平台，中國內地及東盟，佢哋雖然冇CDI呢啲平台，但佢哋有一啲叫做EPORT，又或者佢都有單一窗口。」
目前，內地及東盟是本港最大貿易伙伴，分別佔本港貿易總值逾51%及15%，有分析相信，CargoX項目有助鞏固本港貿易融資樞紐地位。
團結香港基金副總裁兼公共政策研究院執行總監水志偉說:「資金流動快咗，我哋人手錯誤各方面都會減少，如果好似香港咁，如果你想成為亞洲貿易融資中心，其實好明顯要跟隨時代進步，始終貿易都係跨境貿易較多，如果真係可以做好呢一點，可以吸引到更多跨境服務、投資，對於帶動香港無論航運、物流、金融業，甚至綠色經濟行業，其實都有幫助。」
對於會否進一步探索跟中東或其他地區貿易數據互聯互通，金管局表示，不排除這個可能性，但需視乎本港跟當地的貿易規模再作決定，相信涉及的規模愈大，就有愈多誘因促成合作。
