抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】過去1年貿易局勢多變，有本地廠商為分散風險，將廠房分布於各地。不過，有會計師指出，企業「出海」意欲未受影響。
主要製造及設計注塑模具的本地廠商東江集團，除於內地設有生產線，集團於2021年為應對貿易戰亦在越南設廠，初期曾錄得虧損，但去年在企業顧問建議下改變布局，並已見成效。
東江集團主席李沛良說:「最大嘅問題係佢嘅供應鏈未齊全，人才又冇，買其他配材又冇，地緣文化有差異等，就可能唔係以前嗰種方式做，可能係利用中國嗰邊嘅能力，就係一個注塑模具能力，成熟之後就將佢移過去越南。」
美國政府於2025年初換屆，總統特朗普(Donald Trump)的政策再度引爆全球貿易戰，集團終止收購越南一幅土地，原因是管理層當時估算，越南營運成本有機會上升。
李沛良說:「後期見到美國連越南都唔放過，客戶對我哋嘅需求又唔係咁緊，覺得越南係咪會有好多變數？有沒有機會將來轉去泰國、其他地方你都唔知，反正總大方向嚟講，都係要往外延。」
他又相信，地緣政治問題會逐步平息，2026年會再投入3億元提升整體產能。
此外，有協助內地企業「出海」的會計師行表示，近年愈來愈多內地二、三線城市企業，傾向發展「一帶一路」沿線國家及中東市場，貿易戰未有減慢這些企業的發展步伐。
安永香港及澳門區主管合伙人李舜兒說:「呢樣嘢冇話好直接減低佢哋嘅興趣，相反，不過可能係增加咗佢哋嘅謹慎程度，同埋佢哋會再諗得長遠少少，例如點樣搭建佢哋覺得比較安全，真係可以sustain到，長遠嘅供應鏈，或者可能一啲喺稅務入面嘅部署，更加謹慎。」
安永續指，不排除個別國家基於保護主義，限制外資參與當地市場，但相信政府成立的內地企業出海專班，可以跟各地加強溝通，加上香港不少專業人才擁有國際視野，相信在法律、稅務等方面可發揮優勢。
