抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多全球股票，依次為巨子生物、小米集團、泡泡瑪特、老鋪黃金及康方生物。
泡泡瑪特股價今日(16日)高開2%後，升幅一度擴大至6.7%，高見291.4元，並已連續3日上榜，周一(13日)蘋果公司(Apple Inc.)行政總裁庫克(Tim Cook)訪華，先去上海THE MONSTER巡展，見完Labubu、集團創辦人王寧、Labubu作者龍家昇之後，股價就開始異動，市場資金係咪睇準「新消費主義」受年輕人歡迎，兼開始炒作「雙11購物節」，帶挈新消費股落鑊？
富昌證券聯席董事譚朗蔚指，相隔近4個月，新消費股再次熱炒，原因都離唔開「雙11」效應，同埋Labubu作為大IP，市場一直睇好佢嘅銷售增長，佢認為，泡泡瑪特股價炒上係遇上好時機，雖然之前推出嘅Labubu3.0及Mini Labubu，受歡迎程度似乎唔及之前幾代，但當同類板塊表現遜色，加上撞正「雙11」，令市場對公司有返憧憬。
Stevan話，泡泡瑪特整固咗2個月，已經喺260元水平形成一條穩固嘅防守線，不過，想借「雙11」炒返上之前高位就難度較高，如果睇好泡泡瑪特可以先睇300元關口，始終長達年半嘅升浪喺呢個月已經斷咗纜。
