抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，過去1小時內《彭博》搜尋量最多港股，依次為萬科企業、長和、龍湖集團、泡泡瑪特及港交所。
日前傳出深圳核心區放開限購，如果有客戶因為受購房資格限制而買唔到樓，可以申請特殊渠道解決，但深圳官方最新已經澄清，話傳聞不實。其實深圳月初曾跟隨北京、上海等放寬限購，加上「金九銀十」憧憬，內房股已升咗一浸，但普遍都升唔穿8月底嘅前高位，今年嘅「金九銀十」仲值唔值得憧憬，投資內房股有咩要留意？
富途證券首席分析師譚智樂指，要視乎投資者點睇，如果可以理性用數據作比較，情況一定有改善，因為實體經濟狀況、樓市措施，以及過去1年內地不斷下調LPR(貸款市場報價利率)等嘅利好因素，會反映喺傳統節日上。
Arnold又指，投資萬科及龍湖唔係單純睇買樓銷售，要睇整體行業板塊流動性，由於美國聯儲局減息步伐冇市場預期咁快，令美元出現反彈，人仔升值，所以內房股喺高位出現調整係合理，而單日調整5%至6%亦唔出奇，因為内房係市場上最高風險嘅板塊，建議一般投資者唔好參與。
