抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】財政司司長陳茂波繼續看好長遠樓市發展，預期需求將穩步回升，未來會繼續造地，靈活應對市場需求。
本屆政府上任3周年，持續關注樓市變化，為了穩定市場，曾先後全面撤銷樓市「辣招」、放寬樓價400萬元以下物業印花稅門檻等，不過，樓價仍跌勢未止。
陳茂波接受多間電子傳媒訪問時指出，仍看好長遠樓市發展。
陳茂波說:「2021年9月係歷史高位，由嗰度開始調整，去到今年4月大約調整咗28%，係一個有秩序嘅調整，冇造成任何系統性風險，你見到市場亦冇出現一啲恐慌嘅情況，睇返去年，雖然樓價輕微下調，但租金上升，換句話說，居住嘅需要係有，當市場調整時，市民對買樓自然有啲猶豫，咁就租住先。」
對於近期新盤市場連環出現多宗撻訂個案，宗數按月大幅上升，陳茂波表示，不會就個別情況作出推測，但他認為，隨著實際供樓利息下跌，加上來港專才衍生新購買力，相信可穩定住屋需求，甚至逐步回升，有利樓市平穩發展。
他又稱，政府未來作出賣地決定時，會審時度勢，觀察市場情況，希望市場知道政府造地決心不變。
陳茂波說:「推出土地要審慎，但另一方面都要讓市民知道，其實土地供應有需要時，我哋隨時有嘅，所以你見到今年嘅賣地表，我哋放咗幾幅地落去，加埋起大概4500個單位，啲地都係比較細，每幅都係幾百個單位，呢啲地推出嚟，第一，唔需要急於一次過，第二，亦都方便一啲較細嘅地產商入場。」
他續稱，土地供應工作不能停，造好的地不一定要急於推出，可以建立庫存，令政府未來可以更快應對市場需求。
