為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】本港金融學者指出，港人習慣用轉數快(FPS)匯款到內地會更安心及方便，相信運作暢順後，日後將會加大額度。
轉數快實現個人對個人跨境匯款，日後不限於向同名或直系親屬匯款，除支持跨行匯款外，亦毋須提供匯款證明文件，方便兩地居民繳交學費、醫療費及公共事業繳費，機構亦可向個人匯款，例如發放薪金。
有市民認為會用得更安心。
李女士說:「香港人好多都冇WeChat(微信)，唔鍾意用，因為要輸入太多資料，又驚暴露太多私隱，轉數快就應該唔使，係銀行對銀行。」
使用跨境支付通需確保內地收款人，已完成手機號碼跨境收款登記，銀行有效綁定手機號碼，並按需要更新收款人資料。
盧先生說:「人哋都行先咗一步，會用人哋嗰啲先，人哋大數據全部都係用嗰啲，你自己用轉數快，人哋可能唔接受。」
楊女士說:「我之前去內地住嗰陣都用開，都習慣咗，要我特登download多一個轉數快，我覺得我唔會咁做。」
在廣州南沙，有經常往返兩地工作的內地居民表示，新措施有助兩地互聯互通。
廣州居民鍾先生說:「無論內地去香港，或香港居民過嚟內地，其實大家互聯互通會更便利，WeChat及支付寶本身都係兩套系統，大家都理解呢樣嘢，轉數快如果打開個渠道，相等於將兩個系統之間嘅嘢打通咗。」
有研究金融學者認為，由於轉數快跨境匯款並非針對大型企業，設立的額度合理，亦有助帶動消費。
金融學者李兆波說:「第一係降低成本，轉數快係零，降低成本後可以刺激消費，啲錢可以留返其他用途，第二係安全，如果要將啲錢匯入內地，一係搵銀行成本高，一係就搵小店(找換店)，可能有安全問題，但跨境轉數快就相當安全，第三就係方便，無論你去店舖、銀行搞，其實都要時間，如果坐喺屋企，出面打風下雨都唔緊要，撳幾個掣就做到。」
學者又認為，轉數快跨境支付運作暢順後，相信會再放寬匯款限額，有助促進跨境財富管理，便利在兩地購買基金或債券等金融產品。
