【Now新聞台】截至早上11時止，過去1小時內《彭博》用戶搜尋量最多港股，依次為地平線機器人、美團、康方生物、新秀麗、金沙中國有限公司。
地平線機器人連續兩日成為榜首股，今日(17日)係集團上市滿半年，基石投資者嘅禁售期屆滿，股價昨日(23日)喺解禁前夕大幅炒高，今日一「解禁」一度跌凸，曾急瀉近18%，低見4.8元，不過，睇返4名基石投資者持股量合共只有約3.3%，就算全數沽清，其實對股價實際影響都唔會好大？
富昌證券聯席董事譚朗蔚指，禁售期屆滿後，投資者係咪即刻沽貨冇人知，但睇返投資者持股量，就算清倉都影響唔大，今日股價大跌，可能係大家都比較小心及有啲擔心。
Stevan又認為，睇返基本因素，公司今年扭虧為盈，但有啲非通用會計準則(non-GAAP)嘅數字其實仲係虧損，自動駕駛係熱炒概念，但業績方面未係太堅實，技術層面上起碼要收復至6元水平先可以回穩，所以唔建議投資者太快撈底或者溝貨。
