抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》搜尋量最多港股，依次為周大福、萬科企業、中國銀行、龍湖集團及安踏體育。
周大福半年少賺逾44%，中期息大減20%，但全年派息比率同去年差唔多，集團又計劃動用最多20億元做回購，係咪因為有呢個回購計劃撐住，周大福股價今日(27日)仍升得唔錯？
紅蟻資本投資總監師李澤銘指，周大福股價之前已跌到好殘，市場亦預咗業績會倒退，因為唔會憧憬業務短期內可以明顯復甦，加上認為股價已見底，而集團又願意攞錢出嚟做回購，所以股價短線會有支持。
佢又話，周大福股價喺7元至8元仍有值博空間，不過，對下半年可唔可以復甦就持審慎態度，因為集團目標市場係中產，但喺依家嘅經濟狀況下，中產消費仍受壓，繼而推低集團銷售，並會影響未來嘅復甦速度。
