抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶搜尋量最多港股，依次為地平線機器人、泡泡瑪特、華潤電力、金沙中國及滔搏。
地平線機器人今日(24日)首日掛牌，集團以上限3.99元定價，集資逾54億元。自動駕駛概念股競爭大，競爭對手包括有「自動駕駛第一股」之稱嘅知行汽車及黑芝麻智能，對比市銷率(PSR)，地平線機器人估值明顯貴好多，股價今日一度高招股價近38%，高見5.5元，其後升幅顯著收窄，上市後表現會唔會走樣？
椽盛資本投資總監曾永堅指，地平線機器人今日上市係一個好時機，整個自動駕駛行業喺Tesla帶動下，推向高峰，加上近期新股表現唔錯，投資者普遍都有斬獲，均利好地平線機器人股價表現。但值得留意係，公司一直蝕緊錢，加上行業競爭激烈，要扭虧為盈似乎遙遙無期。
佢續指，如果想喺自動駕駛行業築起護城河，就要好似Tesla坐擁龐大數據，車企亦有生產系統，就會有好大優勢，但地平線機器人就缺乏呢啲優勢。Jaseper估計，今日股價造好純屬炒作，股價升勢短線未必keep到。
