抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】疫情後，銀行加快推進數碼轉型，不過，可能會對不熟識科技的長者造成不便。有銀行認為，長者友善服務及數碼轉型並非對立概念，反而對雙方帶來效益。
近年銀行積極推行數碼轉型，令社會大眾擔心會否對不熟悉科技的長者帶來麻煩。
銀行職員:「早晨，先生有咩幫到你？」
客戶:「我想做個轉帳。」
銀行職員:「撳張飛畀你。」
客戶:「唔該晒！」
銀行職員:「 唔好客氣，9號窗同事幫你。」
恒生銀行財富管理及個人銀行業務主管李樺倫說:「我哋好多以前年輕客戶，現在已變成銀髮，我哋亦有關懷櫃位，你知長者通常都較早起身，早上有20間分行係較多長者會使用嘅地區，早上有特別櫃位畀佢哋，佢哋可以飲完茶或做完晨運，再嚟銀行辦理日常理財。」
有銀行認為，長者友善及金融科技並非對立，兩者可並行發展。
李樺倫說:「年輕人比較快，會帶領潮流，銀髮族唔代表佢哋唔會，問題係點樣協助佢哋，可以transit into(轉型至)未來銀行服務，分行有好多數碼客戶主任，當長者嚟到銀行時，會教佢哋點用mobile app(手機應用程式)，呢啲都係希望可以配合到銀髮族，其實好多長者好有興趣學習，好有興趣去探索。」
不過，在不同分行增加人手，亦要為他們提供培訓，對銀行而言，是否一件吃力不討好的工作？
李樺倫說:「你方便他們時，其實會減低大家嘅成本，因為你方便、用得好，就唔需要咁多enquiry(查詢)、問題、後續follow up(跟進)，如果一個客人同我哋客戶服務主任，大家一齊用平板電腦填寫資料，快捷好多、方便好多，對客人及前線同事亦都係一個更好嘅experience(體驗)。」
銀行又稱，提供「長者友善」措施亦是社會責任，照顧社會不同階層人士，達至普及金融。
