抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶搜尋量最多港股，依次為華潤置地、金蝶國際、萬科企業、中國華融及中國銀行。
今日(22日)排行榜頭10隻股份，有4隻係內房，今日嘅利淡消息包括中國4大資產管理公司被穆迪降級，同埋人民銀行冇下調貸款市場報價率(LPR)，係咪令市場好意外？連國企內房潤地、中國海外發展都跌到一仆一碌，跌到逾5年及9年半低位。
富昌證券聯席董事譚朗蔚指，潤地合同銷售持續下滑，上月再按年大跌57%，市場好難對內房有信心。至於LPR唔減息係咪令市場好失望？ Stevan就話，其實減息降準已經做過好多次，但對內地整體經濟結構性下行、內房信貸危機，以至市場氣氛都冇乜幫助，依家一定要靠新政策支持。
Stevan又指，4大資產管理公司被穆迪降級，其中，華融仲降到垃圾級別，原因係集團「食咗壞資產」，如果公司底子愈來愈差，財政狀態令人質疑，當然冇人幫呢啲壞資產埋單，所以就算股價繼續跌都唔好撈底。
