抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為騰訊控股、碧桂園、美團、友邦保險及比亞迪股份。環球搜尋榜方面，1小時內《彭博》用戶關注度上升最多股份，依次為蘋果公司(Apple)、阿里巴巴、騰訊、京東集團及微軟(Microsoft)。
騰訊及京東噚日派咗第3季度成績表，兩者都好過預期，但績後股價個別發展，騰訊先升後跌，走勢反覆，京東就持續造好，其實唔少大行都較睇好騰訊，甚至話對京東第4季表現有保留，點解京東股價今日表現好過騰訊？
第一上海首席策略師葉尚志指，除咗業績，亦要留意市場睇法，京東業績好過市場預期，投資者覺得可以再部署返，股價就跑贏騰訊。佢又話，雖然騰訊業績對辦，但股價唔太值博，投資者不妨再等一等。
今日輪到阿里出業績，葉尚志預期，表現唔會太好，雖然阿里同京東一樣係電商股，但京東3月初有100億人仔補貼，對推動營銷有一定幫助，所以業績有驚喜，佢又話，對阿里業績冇咁大期望係好事，後市要留意阿里業務分拆進展。
