【Now新聞台】截至早上11時止，1小時內《彭博》用戶關注度上升最多港股，依次為碧桂園、融創中國、阿里巴巴、友邦保險及新奧能源。
融創股價連開兩支大陽燭，兩日累計爆升56%，今朝一度高見1.56元，炒高近24%。
大華繼顯策略師楊韻銳指，融創有齊近期利好內房行業幾個因素，集團周日(3日)喺北京有新盤開賣嘅消息進一步刺激股價，令佢喺成板內房股今日整固之際仲撐得住。佢續指，一線及核心二線城市最受惠於新樓市措施，而融創嘅北京新盤銷情熾熱，單日總認購額逾50億人仔。此外，融創再被納入港股通，喺新盤銷情理想下，有助吸引更多北水掃貨。
Curtis認為，融創股價升得咁急，依家先追貨唔值博，不過，後市可留意集團仲有冇位於一、二線城市嘅項目開售，屆時或再有新一輪炒作。
