【Now新聞台】截至早上11時，1小時內《彭博》用戶關注度上升最多嘅港股依次為友邦保險、中芯國際、騰訊控股、美團及安踏體育。
友邦出咗業績，上半年新業務價值按年升至超過20億美元，雖然內地嘅新業務價值都按年升7%，但有分析指比市場預期差，今日就逆市跌，市場對呢份業績又收唔收貨？
紅蟻資本投資總監李澤銘指，友邦業績收貨但冇驚喜，問題出於內地嘅新業務價值增長，比市場預期低好多，反觀內地嘅保險公司，今年第2季度新業務價值都有雙位數增長，唯獨友邦做得特別差。Alan估計，可能因為部分客戶選擇嚟香港買保險，變相搶咗友邦內地嘅生意，不過，對香港嘅新業務價值利潤率嚟講，未必係壞事。佢又提醒，依家係短線買入嘅機會，因為績後幾日股價先會有起動。
