抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為龍湖集團、華潤啤酒、比亞迪股份、銀河娛樂及永利澳門。
市場推介內房股時，除咗大路嘅中國海外發展及華潤置地等，具有國資背景嘅發展商外，亦會揀龍湖、旭輝控股集團呢啲相對穩陣嘅民企內房股。不過，雖然旭輝獲擔保發在岸債，但仍然「出事」，旭輝践日上咗榜，今日就輪到龍湖，公司會唔會成為旭輝翻版，繼而觸發內房骨牌效應？龍湖股價今朝一度挫逾9%。
大華繼顯執行董事梁偉源指，受旭輝影響，不論央企定民企內房股，跌幅都好顯著，旭輝及龍湖過往被稱為「示範性民企」，近期表現咁差，投資者已選擇「避得就避」，雖然政策支持內房發債，但撞正內地長假期，所以起唔到好大作用。Steven又話，雖然內房9月銷售已明顯改善，但投資者嘅憂慮需更多政策支持才可以紓緩。
