【Now新聞台】截至早上11點止，《彭博》Top Search No.1為比亞迪股份，第2至第5位分別為吉利汽車、富力地產、中國恒大及中金公司。
比亞迪股份同吉利汽車都被花旗睇好未來一年半嘅內地汽車銷情，又升呢兩隻股份嘅目標價分別至109.2元和30元，有超過約80%和一倍嘅上升空間，合唔合理？
大華繼顯執行董事梁偉源指，投資者開始搵返啲較落後嘅股份，而且中汽協噚日指出六月銷售料按年升11%，加上汽車銷售已經持續升近三個月，升幅仲愈嚟愈大，所以今日整個汽車板塊表現唔錯。
Steven又話，比亞迪同吉利售賣新能源汽車較多，吉利仲有A股科創板上市因素支持，而比亞迪新推出嘅刀片電池反應唔錯，如果可以售賣至歐洲，相信其業務好大機會得到改善。
