【Now新聞台】截至早上11點，《彭博》Top Search No.1 為平安好醫生 ，第2至第5位為美團點評、比亞迪股份、吉利汽車及中國平安。
平安好醫生又再急升，半日高位見過80元，公司會喺聽日發表去年第四季業績，似乎同近日嘅疫情無咩大關係，但股價節節破頂，係咪市場都憧憬公司今年有錢賺？
協同博勤金融集團行政總裁曾永堅話，唔排除部分投資者係炒業績，但股價近日急升，都反映市場睇好線上醫療平台嘅前景。Jasper又話，公司喺醫療相關手機應用程式，軟件升級上投放唔少資源，而今次疫情就正正反映緊，線上醫療平台發展符合國情。認為，唔少近日入市嘅投資者，都係睇好公司喺中長線發展嘅「回本期」。
