【Now新聞台】截至早上11時止，《彭博》Top Search No.1為小米集團，第2位至第5位為騰訊、中海油、中國平安及美團點評。
美股三大指數創新高，道瓊斯工業平均指數同標準普爾500指數都升20%以上，納斯達克指數更升超過30%。回顧2010年到上日，道指升1.67倍；標普五百升1.8倍，納指更升2.8倍。再睇吓VIX波動率指數，今年平均約15.5，連續第8年低過1990年以來嘅平均水平，美股真係可以繼續維持升勢？
睇返大中華股市，近日成為區內市場焦點、1990年以來首度見12000點嘅台灣股市，加權指數以美元計，呢十年升超過50%。中港股市相對跑輸，恒指升20%，滬深300指數只升11%。可能係受中美貿易戰影響，或者亦反映兩地金融、經濟融合越來越緊密，下一個十年，中港股市又點走呢？
