【Now新聞台】截至早上11時止，《彭博》系統Top Search No.1為騰訊，第2至5位依次為港交所、中國平安、國泰航空、新鴻基地產。
騰訊出季績後股價受壓，一度跌近3%，利用《彭博》嘅Twitter貼文分析工具，業績後市場短暫出現正面情緒後，就慢慢被負面睇法主導。
以往騰訊被稱為「股王」，每逢出業績都會惹嚟大量關注，但隨住近一年股價表現相對失色，關注度亦大減。對上一次最多人關注，已經係舊年8月中出第二季業績，當時收入同盈利表現按季下滑令股價受壓。之後關注騰訊嘅新聞數量逐漸減少，係咪反映「股王」地位失色呢？
