【Now新聞台】截至早上11時止，《彭博》Top Search No.1為中國人壽(02628)，第2位至第5位為小米集團(01810)、美團點評(03690)、眾安在綫(06060)、中國鐵塔(00788)。
國壽發盈喜，預期多賺1.8倍至2倍，主因受惠於投資收益增長。集團下星期二會出業績，股價今朝愈升愈有，係咪仲可以追貨？
獨立股評人盧志明指，雖然國壽股價升咗上去，但依家反而係一個安全「真空期」，睇返技術走勢，今朝靠盈喜消息輕輕突破3月以嚟嘅下降軌，20元可能有少少阻力，但等到落返平頭區嘅裂口位，有機會見21元。
