【Now新聞台】截至早上11時，《彭博》系統Top Search No.1為百威亞太、三生製藥、華潤電力、新城發展控股及昆侖能源。
百威今朝首掛，開市報27.4元，較招股價27元，高逾1%，之後曾衝上28.85元，升逾6.8%，半日收市企穩28元樓上，有貨冇貨嘅投資者應該點部署？
協同博勤金融集團行政總裁曾永堅指，百威因為人人有份，所以好多散貨喺街，但因為夠大隻，加上期權、洐生工具、主要指數等可以吸引唔同機構投資者入場，好快就可消化散戶盤，更重要係，睇返百威嘅估值，同埋市場憧憬集團嘅增長動力，股價可以朝著30元進發。
