【Now新聞台】截至早上11時止，《彭博》系統Top Search No.1為瑞聲科技，第2至5位分別為太古地產、美高梅中國、美團點評、安踏體育。
根據瑞銀統計顯示，安踏上月喺微信貼文攞到嘅Like，係咁多個體育品牌中最多，有約6000個，大幅拋離李寧、Adidas、Nike同Fila，但股價就唔係升得最多。睇返過去一年，五隻中外體品股中，李寧升咗約2倍居首，安踏升84%，Adidas升30%， NIKE、Under Armour升不足10%。不過，安踏手上有一張皇牌，就係集團係2022年北京冬奧嘅官方合作夥伴之一，睇吓到時邊隻體品股跑出。
