【Now新聞台】截至早上11時止，《彭博》系統Top Search No.1為港鐵公司(00066)，第2至5位分別為中國神華(01088)、富智康集團(02038)、永利澳門(01128)、太古地產(01972)。
中國海洋石油(00883)股價今個月暫時升咗12%，仲有機會錄得今年最大單月升幅，其實受惠股都唔止中海油。
主力為中海油提供鑽井同油田技術嘅中海油田服務(02883)，如果睇返過去五年股價表現，中海油升咗14%，中海油服就跌咗49%，但單計過去一年，中海油服升咗27%，同期中海油跌咗6%。近日沙特阿拉伯煉油設施受襲，市傳內地會加快開發石油儲備，相信中海油服可以受惠。
