【Now新聞台】截至早上11時止，《彭博》系統Top Search No.1是澳博控股，第2至5位依次為新創建集團、中國鐵建、大新金融及中海油田服務。
今朝搜尋量最多嘅澳博，其實亦係今朝最JUICY嘅新聞，被視為何鴻燊「二房」，何鴻燊個女兒何超瓊，以及所控制嘅信德集團與霍英東基金會簽訂協議，將共同提名董事，以及改善澳博嘅營運。呢個聯盟會透過澳門娛樂，控制澳博54股權%。呢個這舉動被視為抗衡何鴻燊「四太」、持有澳博8%股權嘅梁安琪，以及現任行政總裁，持有澳博6%嘅蘇樹輝。德意志更發報告，話「賭場權力遊戲展開(Let the Game of Casino Thrones Begin)」。
觀乎信德同澳博今日嘅股價表現，市場似乎對呢消息好受落，Heidi話，股價睇落冇反映到當中可能出現嘅經營風險，提醒投資者唔好忽視。Heidi又認為，今年對澳博的確係重要嘅一年，因為集團旗下終於有一個路氹項目會開張，即管睇吓可唔可以藉消息追落後......
