【Viu】內地影帝朱一龍、影后衛詩雅、李施嬅、Ben哥袁富華同導演韓延今晚出席新片《空槍》中秋見面會，朱一龍除咗大晒廣東話同派菠蘿油之外，仲清唱咗《分分鐘需要你》冧爆詩雅，適逢詩雅老公周祉安有捧場，影后即自爆試過同朋友傾電話時狂讚朱一龍而畀老公「投訴」，認真搞笑！
受訪時，詩雅繼續對朱一龍讚不絕口，最欣賞對方苦練廣東話至凌晨4點，唔止可以用廣東話拍戲，煞科後亦Keep住用廣東話同自己交談，超級敬業！而Ben哥就分享教朱一龍廣東話嘅趣事，仲話因為喺戲中要虐打男神，好驚收刀片咁話！
至於李施嬅同另一內地男神檀健次較多對手戲，最難忘係大家都要素顏上陣，自己嘅眼睛因為甲狀腺問題而動過手術，素顏就會令眼形缺憾表露無遺，但為咗首次成為「三級女星」只好捨命陪君子啦！想睇龍哥點樣冧Fans？影后詩雅有幾Cute？記得睇足本訪問喇！
