【Viu】韓團EXO隊長SUHO金俊勉、范冰冰、Jay馮允謙等今日現身中環出席精品店開幕活動，引爆Fans起哄。SUHO同大會主持嘅Chit Chat環節上，表示對香港最深印象係夜景同點心，講到早前嚟香港開演唱會，加上今日活動現場被逾千fans逼爆商場支持，覺得超開心，希望快啲再有機會再嚟見大家。
而范冰冰今日以一身金光閃閃Look亮相，過百Fans一見冰冰即瘋狂尖叫，其間女神亦邊行邊同Fans揮手，更幫Fans簽名兼影相，勁爆Nice。
另外Jay Fung就表示高興見到SUHO同冰冰，讚嘆二人有巨星風範，更爆母親愛煲韓劇，爸爸就鍾意睇電影，所以當父母知道Jay有機會同二人同場，即大讚叻仔，Jay仲話要爭取機會攞簽名，或視像父母隔空見兩位巨星，勁乖仔囉！快啲入嚟睇現場實況片感受巨星光臨啦！
