【Viu】夏雨、郭鋒、吳浣儀同黃奕晨今日出席ViuTV原創劇《日落下的彩虹》記者會，夏雨同兒子Dixon首次合作拍劇，但並非演兩父子，Dixon仲喺台上踢爆爸爸喺片場有「炮仗頸」外號，認真大膽！
夏雨澄清返「炮仗頸」傳聞，獲浣儀姐力撐冇鬧人，鋒哥就自認後輩唔敢多口，又爆夏雨哥戲癮好深，今次再拍劇完全係因為「身痕」，笑爆全場！期間夏雨直認恨飲新抱茶同抱孫，仲爆笑問Dixon想帶邊個返嚟見家長添，勁鬼馬！
講到「四哥」謝賢日前因病離世，夏雨大讚四哥「靚足一世」，而且喺片場毫無架子；鋒哥叔分享返同四哥合作《千王之王》嘅點滴，想知就睇足本訪問啦！
