【Viu】Jay馮允謙孖法國唱作天后Joyce Jonathan，為慈善機構合作寫歌，今日齊現身中環拍MV，法國駐香港及澳門總領事杜麗緹專誠帶個大菠蘿包嚟探班，so cute！Jay Fung指舊年孖Joyce開騷時有學唱法文歌，今次再合作出歡亦獲Joyce親授法文。而Joyce亦高呼同Jay合作巧享受，錄音過程亦巧順利，廣東話同法文都過渡得好smooth。
Joyce又表示嚟過香港5、6次，最愛食蛋撻，返到法國會超掛住，噚日仲抽空去咗山頂行山，so chill。對於法國目前受熱浪襲擊，Jay就好細心問要唔要送風扇仔俾Joyce。Joyce亦透露為安全起見，囡囡已留喺屋企冇返學，自己偶爾亦留喺studio避暑。
Jay日前推出咗全英文專輯，仲搞咗個小型音樂會，Joyce都有撐場。另外法國踢入世界盃八強，Joyce表示心繫國家隊，但目前身在香港，要今晚深夜4點起身睇波有啲困難。想睇更多兩位唱作天才嘅互動，就入嚟睇訪問片啦！
