【Viu】傳奇球星「萬人迷」碧咸昨日（10日）驚喜現身跑馬地馬場，參與世界盃聯乘活動！咸爺大約喺傍晚6點以型爆西裝look登場，獲企核心外圍嘅球迷尖叫歡迎！一向親民、零架子嘅咸爺一見到球迷就揮手打招呼，每一舉手投足都超charm！咸爺隨後更索性行近兩邊球迷堆，化身「黃大仙」近距離放題式簽名、selfie兼握手，𠱁到班球迷勁high呀！
見唔少球迷準備曼聯波衫、皇家馬德里波衫攞咸爺親簽，有啲就攞簿、背囊、電話殼，但都不及有球迷出奇招，伸隻手出去搏簽喺前臂位置，咸爺來者不拒通通照簽！最後咸爺睇完活動展品，再去到包廂觀看是晚首場賽事，去到衝線moment睇到勁肉緊，唔知咸爺有冇貼中三甲呢？送上實況睇咸爺零死角靚樣！
