【Viu】電影《寒戰1994》集合多位男神演員，當中包括久未接拍港產片嘅Daniel吳彥祖，飾演年輕版嘅「蔡元祺」，顏值爆燈呀！就連導演梁樂民都自爆係睇中Daniel靚仔又夠歷練，所以就搵佢主演！唔知導演對Daniel嘅演出如何？有冇被surprise到？
呢次Daniel主力係同劉俊謙對戲，大讚對方靚仔之餘又勤力兼好戲，所以超夾咁話！講到劉俊謙寫好咗個劇本搵梁家輝演，家輝哥只收兩蚊雞，如果搵佢演，佢個友情價又係幾多？Daniel仲自嘲52歲唔再係片場年紀最細嗰個，唔知佢又有咩建議畀新一代嘅年輕演員？
電影中不乏大量動作場口，應該唔會難到習開武嘅Daniel嘅！佢又爆13歲嘅愛囡Raven有練開巴西柔術，仲有次試過被Raven箍頸lock死解唔開，搞到佢勁尷尬，所以發憤練巴西柔術雪恥呀！唔知Daniel有冇畀Raven睇自己啲戲？Raven又有冇興趣做幕前？另外，有冇機會同馮德倫拍《美少年之戀》嘅續集？好知想嘅話就要睇片啦！
