【Viu】ERROR三子同COLLAR今日出席《ViuTV 10周年午宴》，三位錯仔梗係要趁機公開爭取福利，揚言要拍超級英雄系列，超越翻拍日韓劇集咁話，三子連名都諗埋㗎喇，就係「印尼俠」、「印度俠」同「釐印俠」，Dee哥又搞Gag話193行得前過Edan，一早就放緊「悠長假期」喇！講到下月推出一星期五日嘅全新1.5小時綜藝直播節目《8點直樂 Viuriety》，ERROR嘅亂噏尺度又要唔要收斂吓呢？三子就繼續爆笑暴走喇！
此外，COLLAR都公開爭取合體拍劇，Day仲高呼要拍GL，可以全部隊友一齊嚟！而Ivy So就話演「港版朴敏英」好緊張，加上同靚仔嘅撈師兄有連場咀戲，事前一定要做足功課！而Marf同芯駖就講返喺金像獎「與神同行」，同Eason表演嘅趣事，想知就睇足本訪問啦！
