【Viu】COLLAR、ZPOT、ROVER同Jacky Fan今日出席《CHILL CLUB推介榜 年度推介25/26》記者會，COLLAR多謝AK師兄讓出拉票機會，仲話要請食飯答謝，識做喎！講到芯駖今日Deep V現身，佢笑認仲係《夜王》水晶姐，但係未練成用條脷幫車厘子打結嘅技能，點知引出Gao分享同食雞翼相關嘅技能，笑爆全場！Ivy So同Candy講返畀阿Gao整蠱到喊嘅趣事，又話拍攝當日畀「跑步姜」野生捕獲，差啲穿煲呀！
至於ZPOT就話原來一早知道Edan師兄拍MV整蠱Gordon，已經畀晒貼士對方，點知Gordon都唔醒水；Gordon就話拖「小如豬」時感受到Edan嘅殺氣，巧驚驚呀！而Jacky Fan解釋因為Alvin同Marcus今日考DSE，所以期間限定加入ZPOT做「年紀擔當」；Bosco仲送咗電台錄音為隊友同各位DSE考生打氣！
此外，有份拍攝《大分瓶》嘅ROVER成員希晉同Jason，就分享返首次喺大銀幕見到自己嘅感受，想知就睇足本訪問啦！
