【Viu】430就係姜濤27歲生日嘅大日子，姜濤香港後援會今年以全新主題「Keung’s Family 姜家人」喺尖沙咀同銅鑼灣設置生日應援。銅鑼灣主題係「The Keung’s Show」，百老匯風格夠晒優雅，除咗5大打卡位，仲有「姜之甜品小站」，超Sweet呀！
至於尖沙咀就以「The Keung’s Family」為題，4大打卡位當中包括首度登場嘅「姜爸」同「姜媽」，仲有姜濤「新歡」PickleBall打卡位，勁Sharp醒！
而靚女姜糖Chloe、男糖Adrian、母女糖Demi同Haibe分別分享返同姜濤近距離接觸嘅經歷，異口同聲激讚姜Admin真人好靚仔，Adrian仲話受偶像啟發想參加《全民造星》添！
另一邊廂，剛完成巡唱多倫多站嘅姜濤，呢幾日好好Enjoy假期，孖姜媽、姨媽同混血表妹Angelina同遊尼加拉瓜大瀑布歎美食，仲遇到彩虹添！而姜濤同表妹亦喺社交網站分享完騷合照，「姜三歲」嘟晒嘴勁Cute囉！
