【Viu】ROVER四子呢晚演出《ROVER 2nd Anniversary Live》，Encore時以《有你有我》展示兄弟情，除咗收花仲落台同RADAR互動，Jason、希晉同亨仔仲幫手扶「金伯」Kim上台，場面爆笑！ROVER以出道作《秒速8公里》作結，四子攬攬互相扶持，原本場面溫馨，Jason Loi突然呼籲全場觀眾陪自己抽卡，希晉即高呼：「白卡！白卡！」當Jason送卡畀觀眾時，亨仔再加多腳話：「你唔送信用卡！」Mean到盡頭咪就係好兄弟囉！
完騷後，四子除咗分享感動時刻，亦繼續互窒，當希晉同亨仔話等埋Jason操完肌就可以開Part 2除衫，冇被點名嘅Kim笑認已經「好大隻」，亨仔即嘲笑隊長係「大隻講」，好高攻呀！當Jason話抽卡係即興時，Kim就踢爆對方早有預謀，心水好清㗎！
