【Viu】姜濤日前喺倫敦完成首場個人巡唱後，今日傍晚時份返抵香港，吸引大批姜糖接機，近7點出閘嘅姜Admin繼續以英倫風造型現身，仲幫Fans簽名兼收信，果然係寵粉冠軍！
姜濤自評倫敦站演出有6、7分，雖然未有時間重睇演出，但好榮幸能夠第一次以個人身份去倫敦開騷，絕對係一個里程碑，希望下次再同倫敦嘅朋友見面，仲話此行有時間睇音樂劇《The Phantom of the Opera》獲益良多添！講到同Wyman、Edward飯敍，姜濤就話並唔係想傾咩合作計劃，反而係想親手將新碟送畀Wyman前輩，好Sweet囉！
至於喺巡唱上表演令Fans沉晒船嘅《夏日傾情》，姜Admin當然有親解選唱原因，仲話如果有機會同黎明前輩合作就Fat Fat喇！想知姜濤開完首站個人巡唱嘅感想就睇足本訪問啦！
