【Viu】啱啱約滿離巢嘅蔡思貝一大早參加博愛單車百萬行活動，佢話平時踩單車都係好悠閒咁踩，第一次要計時間，聽其他人講踩呢條路線要個幾鐘，但佢一個鐘內就完成咗，好開心！
講到離開舊公司，蔡思貝話係今年年頭約滿，佢形容係同舊公司嘅mutual agreement，都處理咗一段時間，唔想咁倉促，出咗篇「告別溫室」感謝文係一路打一路喊，回顧返十三年嘅時間，心情好複雜，好幾次都喊到寫唔到！
至於有指佢自由身後冇嘢做，蔡思貝話嚟緊都有唔同嘅工作傾緊，佢當然想繼續演戲，亦想試新嘢，學習多啲唔同嘅嘢，增值自己，上年就試過登台喇！
蔡思貝話依家自己傾工作，所有嘢都學習緊，例如用電腦呀咁！問到知唔知有份參演嘅《少林女足》幾時上？佢就話未知啦，離巢後亦無搵過周星馳，呢啲小事無謂打擾星爺喎，有機會都想繼續同星爺合作，快啲睇足本訪問啦！
