【Viu】《全民造星VI》季軍Jacky Fan范卓賢、「二胡王子」朱芸編、導演張之亮今日出席《第四屆香港流行文化節》，將於4月26號為重頭節目《ImagineLand》戶外音樂嘉年華演出嘅Jacky，自彈自唱《我希望你的感覺都一樣》同《淚光萬歲》，聽出耳油呀！
Jacky Fan坦言好興奮可以唱戶外音樂會，仲預告準備咗連串驚喜畀「范糰」，包括換足三支結他，但笑言未夠本錢學Rock Star掟結他。除咗唱戶外騷喜出望外，Jacky Fan自爆早前拍攝個人YouTube Channel短片時，獲「神級偶像」驚喜現身加持，搞到自己哭咗呀，呢舖真係淚光萬歲咯！表情包豐富嘅Jacky Fan又自薦拍遊戲節目，仲話夠膽挑機花姐跳笨豬跳，好夠薑喎！
此外，張之亮導演分享返當年「哥哥」張國榮以象徵性1蚊片酬義演《流星語》嘅難忘事，想知就睇足本訪問啦！
