【Viu】香港殿堂級嘅太極樂隊為成軍40周年啟德騷提早綵排，當中又點會少得經典金曲《Crystal》、《全人類高歌》呀！五子講到揀啟德體藝館開騷係因為覺得呢個場氣氛好正，事關曾經喺CHILL CLUB頒獎禮上同班新生代樂隊ROVER、Pandora、Dear Jane、Zen交過手，唔知今次開騷有冇嘉賓？會唔會可以同佢哋再crossover？
既然五子預咗唱爆啟德，特設企位會更high？或者可以加「插水」環節喎，有冇得諗諗先？鼓手Ricky自薦想試吓連人帶鼓喺空中倒轉嚟打，咦？呢個畫面好似似曾相識咁，不過佢又笑言怕吊威吔「嗰度」痛，咁即係有冇機會實行先？
對於交換樂器演奏呢個idea，除咗HiFi德之外，佢哋個個都爭住鼓手嚟做，究竟套鼓有咩魔力？Rundown方面，Patrick雷有輝話唔使專登開許願池，大把忠粉一早就留言，當中Joey Tang就極力推薦Edde唱《瘋人物語》，但Edda自嘲「最早搭車」怕唔記得歌詞！另外，太極會唔會有新歌？揀歌會唔會有拗撬？Joey Tang差啲同Ricky嘈交？大佬雷有曜會唔會趁40周年回歸畀驚喜fans？想知就去片啦！
