【Viu】ROVER今日舉行兩周年見面會，除咗首唱新歌《旗跡》，仲宣佈將於3月30號喺新蒲崗Portal舉行首次演唱會，全場企位，超High喎！席間大會送上蛋糕賀ROVER兩歲生日，同埋為「3月之星」Kim同亨仔賀壽，真係喜上加喜呀！期間希晉講感言時仲一度哽咽話：「你哋（Fans）都係我哋嘅奇迹！」巧感人呀！
ROVER透露屆時會獻唱唔同語言嘅歌曲，亦考慮挑戰「弱項」跳舞，亨仔仲即席教隊友「十字步」，又被推舉要除衫騷肌唱跳《餓狼傳說》，不過佢就話如果操肌效果未如理想，隨時變《餓豬傳說》，又拉埋希晉落水齊齊騷肌，仲笑言越除越紅㗎！
ROVER又指新歌《旗跡》係四子首次負責「曲詞編監」嘅作品，直言有意向唱作人之路進發，Jason又搞Gag話：「其實係因為冇錢啫！」隨即令話題轉移去自稱「月入唔過萬」嘅亨仔身上，想知「壽星亨」點樣見招拆招？「壽星Kim」有咩生日願望？睇足本訪問就知啦！
