【Viu】ROVER、Isabella陳海寧、Sofiee吳海昕今日出席戶外音樂會，單身嘅Isabella雖然想脫單，但就笑言ROVER四子比較適合做朋友，咦？咁算唔算派檸檬呢？隊長Kim即發揮Mean精本色反派檸檬茶畀前輩，其後解釋係因應Isabella玩得先夠膽寸對方。反而亨仔就高呼Isabella好正，經常同保錡師兄討論，咁Real得唔得㗎？
講到新年願望，「澳門人」Jason最想爆騷兼開《骰界2.0》，當然唔少得再度公開爭取終身免費來回港澳船飛啦！希晉就想身體健康，唔諗拍拖喎，係真唔係呀？
此外，同樣單身嘅Sofiee笑言已經放棄掙扎，所以早排喺美國考咗Pilates導師牌照，準備投資6位數開班做「美女導師」，笑言要主力招收男學生。講到好友Stanley同Alina訂婚，Sofiee當然開心，仲分享早排同大表哥拍劇嘅難忘事，想知就睇足本訪問啦！
