【Viu】YT周殷廷今日為活動擔任表演嘉賓，deep V襯粉藍色西裝，估唔到YT大哥嘅衣櫃都有其他顏色嘅衫喎！話咁快下個月就快農曆新年，YT大哥又會唔會着紅色衫、或者係紅色底底？上面仲有隻馬仔咁wild、咁狂野？
佢指之後會撐Gin Lee、JACE兩位前公司隊友嘅紅館騷，有冇提JACE今次要企穩？定即使YT大哥喺台下都接得住？講起前公司隊友，曾比特最近轉會去咗英皇，有指佢當年被環球冷待少出歌，YT大哥又點睇？佢話依家keep住同公司溝通，target最多出6首、最少出4首，包唔包括埋開騷先？
Tyson Yoshi今晚首播《1994前傳》嘅微電影，YT大哥認有份演出「輔助」，會唔會再有追車、爆破場口？係咪講佢同TY嘅Hehe情？另外，YT大哥今年再要跑幾多場school tour，打爆全港中學紀錄？
同場鄭嘉穎開心share凍齡心得，原來係3個仔幫到佢搵返童真，笑話平時陪3個仔玩演話劇，佢負責演《三隻小豬》入面隻大灰狼咁話！嘉穎又爆3歲細仔最蠱惑，仲扮埋細仔啲招牌pose出嚟！
提到佢最近身兼大仔嘅中文補習老師，嘉穎話依家晚晚都要補習，謝絕一切夜間飯局！佢又話個仔做功課做到喊，都好陰功㗎，所以搞笑話入傳統學校呢個決定，令雙方都後悔呀！唔知嘉穎依家有冇戲癮？得閒嘅話客串老婆Grace陳凱琳嘅短片？有冇酬勞先？愛妻嘅佢話好戥老婆重奪KOL女皇寶座！想知兩位男神仲講啲咩？咁就要睇足本訪問啦！
