【Viu】Edan呂爵安、鍾雪瑩同李尚正今日到銅鑼灣宣傳賀歲片《金多寶》，大派「金多寶利是」，吸引大批Fans捧場，場面熱鬧！Edan、鍾雪瑩同正哥對票房充滿信心，正哥仲話過億要著三角褲謝票；Edan就大貪啲要過3億先肯落叠喇！講到《金多寶》要同Sammi子華神嘅《夜王》對撼，而且對手重女兼少布，Edan就自爆喺《金》片會半裸上陣，又笑指小演員同狗狗幾乎全裸，露肉程度勁過《夜王》咁話！
適逢Edan聽日29歲正日生日，佢就話要喺工作中度過，仲大呻已遭妹妹「小如豬」下「禁錫令」，講明今年冇得錫錫影合照。而日前喺FC生日會上嘅「揸咪剪影相」，又成為「Best Buddy」蔡俊彥開玩笑嘅「把柄」，Edan就話經一事長一智喇！
此外，作為「第5個」現身公開活動嘅MIRROR成員，Edan當然無可避免要回應姜濤被傳「轉會」一事，想知就睇足本訪問啦！
