【Viu】COLLAR 4歲生日快樂！佢哋揀咗今日「1.11」正日同過千名領粉一齊慶生，喺商場舉行四周年簽唱會！除咗玩咗兩個遊戲之外，仲唱咗《暴走女團》、《下次不如相信自己一次》畀領粉聽！最後大會送上生日蛋糕、過千名領粉一齊寫嘅生日卡，搞到COLLAR勁感動，「大喊包」Winka率先爆喊！
驚喜浪接浪，大會準備埋蛋糕畀啱啱過咗生日嘅Gao，喺全場領粉合唱生日歌之下，佢有冇失守爆喊？事後Gao透露生日獲男朋友送咗個快閃trip，飛咗台中兩日一夜，佢仲爆埋男友一個貼心舉動，聽完都即刻糖尿呀！至於個終極surprise就係領粉特製嘅紅色banner，祝賀COLLAR攞組合金獎！
席間COLLAR宣布未來大計，由隊長Gao代表發言，預告會有單石破天驚嘅事發生，兼暗指將有成員solo出道！數數手指淨返Ivy So、Gao、Candy未有solo作，究竟會係邊位跑出？佢哋亦即場開盤叫大家估吓，仲話估中有獎添！
就嚟到農曆新年，芯駖參演由黃子華、鄭秀文擔正嘅賀歲片《夜王》，飾演口技了得嘅水晶，造型仲要係勁sexy添！被指係團內「呎道擔當」嘅芯駖都話係一個大膽嘅新嘗試，唔知同子華神、Sammi合作有咩難忘事？有冇自肥？有冇更sexy嘅outfit？
另外，有傳Marf密謀孖男友Locker投資開咖啡店，咁就梗係要問返當事人啦，件事真定假？Day啱啱拍完劇？有幾位成員一齊開緊戲？想知就要睇足本訪問片啦！
