【Viu】陳豪（阿Mo）同太太Aimee陳茵媺今日出席汽車活動，咁耐冇合體吸金梗係要瘋狂放閃啦，當Aimee咳咳嗰陣，阿Mo細心掃背；又不時幫太太翻譯同解釋，仲細心教「Baby」點樣答問題，重點就係5個字，「唔使理佢哋」，閃到核爆呀！
阿Mo大讚Aimee係安全駕駛者，唔似其他女明星咁鍾意揸快車，咦？莫非佢坐過好多女明星車，阿Mo就即刻「戴頭盔」話係根據「巿場調查」，仲搞Gag話：「朕已經Check過！」Aimee都冧讚阿Mo嘅幽默感超Charm！
Aimee又分享兩個仔最近學冰上曲棍球，自己當年喺加拿大生活都有學過；阿Mo就笑認唔敢跟埋兩個仔去玩，仲即席用視帝級演技示範腰酸背痛嘅情況，SLDPK呀！
此外，講到阿Mo嘅唱歌片最近被網友瘋傳，本尊就認同樂壇欠咗佢一個交代喇！想知就睇足本訪問啦！
