【Viu】影后Michelle衛詩雅今日以大使身份，現身器官捐贈日活動，表示全家都有做登記名冊，遺愛人間！Michelle近日再攞多一個「年度口碑女演員」獎，屋企個獎櫃仲夠唔夠位放㗎？至於講到主演電影《破·地獄》獲選角逐奧斯卡「最佳國際影片」，Michelle指要年初先知結果，但佢揚言對入圍抱強大信心！
Michelle透露下星期就入劇組，初步估計同唔到老公周醫生過婚後首個聖誕、新年、甚至係生日！自認零儀式感兼冇記性嘅Michelle，驕傲笑話冇預先準備禮物，仲爆有被老公揶揄背劇本最叻！咁幾時度蜜月呀？
話晒係封影后後首部接拍嘅電影，有冇加片酬先？點知被Michelle以一句唔知片酬完美K.O.，更語出驚人爆拍戲唔應該收片酬，咁true得唔得㗎？佢仲話如果遇啱好劇本，唔介意零片酬兼做埋投資方添，大愛呀！
人一旦好運起上嚟，堅係點擋都擋唔住，Michelle就係例子，榮登「十大賺錢KOL」第二名、衝出香港拍「東京攻略」、就連抽盲盒相機都中到特別版！笑指佢係「吸金影后」，半年吸逾千萬，直認有幸運之神眷顧嘅Michelle又點回應呢？佢覺得今年最lucky嘅又係邊件事？另外，同場仲有另一大使劍擊界「大師兄」兼準爸爸張小倫、表演嘉賓黎展峯等！快啲入嚟睇片啦！
