【MOBILE】Andrew龐景峰今日以健康大使身份，現身香港癌症基金會全新推出嘅關注男性癌症活動「港兄弟·講檢查」，女朋友劉溫馨更擔任「CheckMate日」大使，同場大放閃光彈！
Andrew笑言自己做乜都係deadline fighter，不過由依家開始都會keep住一年check一次，保障自己兼下一代，加上契公早年check到身體有毛病，對佢嚟講都有「警號」！而曾經講過話兩年內結婚嘅佢，幾時做埋婚前檢查？
呢次Andrew裸上身、拎手巾仔遮重要部位影宣傳相，肌肉嚿嚿分明，喺影之前有冇加操先？佢又笑話攞正牌喺全香港裸體，身邊勁多朋友都有影相send畀佢，呢次咁露法係最大尺度？講到拍攝嘅難忘事，Andrew冧話溫馨全程喺隔離幫手，好「曬命」呀！
電影方面，Andrew high爆話參演嘅微電影《想被你看見》登東京國際電影節，見到poster有自己個名覺得係成就解鎖，可惜未能親身到現場感受氣氛！但Andrew預告感情戲冇親密鏡頭，全部只限神交，定係怕溫馨呷醋？如果同溫馨一齊拍愛情電影又有冇得諗？會唔會因為太熟而尷尬？想知就睇足本訪問啦！
