【Viu】Marf@COLLAR同陳健安今日以「粉紅大使」身份為線上音樂會演出，阿正擔任主持，黃耀明亦專誠嚟撐場。講到喺萬聖節玩到癲，Marf爆笑還原幫男友Locker戴有色隱形眼鏡嘅過程，又提議COLLAR下次扮7支唇膏遊街，仲話因為Dance Version試用新科技，搞到「科技白痴」無所遁形，大家又估唔估到係邊個呢？對於因劇集《那一天我們會紅》而組成嘅「無景深」，早前可以訪問「神奇隊長」謝拉特，Marf啲少女心就飛晒出嚟喇！
至於聽日將會孖好姊妹Elsie同森美齊齊「返新工」嘅阿正，就公開向大哥爭取「開工利是」，仲自爆同大哥有代溝，SLDPK呀！阿正又投訴自己喺《早霸王》最後直播爆喊都冇鏡頭，陰功豬咯！
此外，安仔今日帶病上陣獻唱，戴定頭盔話有機會走音，歡迎大家cap片放上網取笑，認真玩得！快啲睇足本訪問啦！
